Yogacoursen zu Schwebach bei Saeul
&
Youtube Videos



Christine Thill
17, Haaptstrooss
L-8561 Schwebach
 
yogatime.christine@gmail.com    
Tel: 691 781 114    


Yogatime beim Christine - where body meets soul

Yoga hëlleft de Gedankekarussell zur Rou ze bréngen. Et ass en Uechtsamkeet-Training deen de Fokus op d'Kierpererfarung, op d'Spiere lenkt. Et ass eng Praxis déi deng kierperlech a séilesch Gesondheet stäerkt an hëlleft se am Equiliber ze halen.

Yoga bedeit weder um Kapp musse stoen ze kënnen nach eng komplex Asana perfekt ze reproduzéieren mee éischter eng harmonesch a respektvoll Relatioun zu Kierper a Geescht ze fleegen. Yoga ass de Wee selwer an esou vill méi wéi nëmmen eng Kierperhaltung.

D'Yogaphilosophie a seng Werter sinn Deel vun de Coursen fir dës zu enger Experienz ze machen déi méi wäit geet wéi just d'Ausféieren vun Kierperhaltungen.

Genéiss deng Yogastonn an engem gehëtztene, helle Raum mat Ausbléck an d'Natur.
Coursen sinn op lëtzebuergesch an Ufänger häerzlech wëllkomm. Kleng Gruppen.




Yogacoursen

Méindes 18:30-19:45 mam Klaud
Mëttwochs 18:30-19:45 mam Klaud
Donneschdes 09:30-10:45 mam Christine
Donneschdes 19:30-20:45 mam Christine

Ufänger häerzlech wëllkomm.
Keng Coursen an de Schoulvakanzen.




ech sinn d’Christine, Grënnerin vu Yogatime a säit 2010 diploméiert a passionnéiert Yogaléierin (200RYT)

Den Diplom dee vun den internationalen Sivananda Yoga Vedanta Zentren ausgestallt gouf ass Yoga Alliance accréditéiert a weltwäit unerkannt. 2019 hunn ech zousätzlech eng 50 Stonnen Formatioun fir Yin Yoga ofgeschloss.

Wärend menge Coursen leeden ech, am Rhythmus vun der Otmung, duerch ofwiesslungsräich Yoga-Sequenzen wou eng Asana (Postüre) fléissend an déi nächst iwwergeet. Et kennen och mol méi fuerdernd Asanas dobäi sinn, als klengen Challenge tëschenduerch, awer ganz ouni Zwang. Meeschtens kann ee méi wéi dat wat een sech zoutraut an dat kann zu flotten Wow-Erliefnisser féieren oder och zu engem gudde gemeinsame Lachert.

Iwwert d’Joëren hunn ech d’Chance gehat verschidde Yogastiler kennen ze léieren an dës Diversitéit intégréieren ech fir meng Coursen eenzegarteg ze gestalten.

Yoga helleft dech méi ausgeglach ze fillen, psychësch a physëch Flexibilitéit ze trainéieren a verbessert däin allgemengt Wuelbefannen well et de Nervesystem positiv beaflosst. Yoga verbënnt dech neess mat dir selwer ; all dat wat s du brauchs ass nämlech scho säit ëmmer déiw an dir dran.

D’Natur vum Mënsch ass Geescht a Kierper zugläich. Dëst Zesummespill huet mech nach emmer faszinéiert.

Wann d’Yogastonn dech entspant, gestärkt a positiv zugläich an den Alldag entléisst dann ass och mäin Objektiv erreecht.

Christine Thill
yogatime.christine@gmail.com
IBAN RAIFFEISEN : LU14 0090 0000 2223 3605 - PAYCONIQ : +352 691 781 114
Autorisation d'établissement N°10146218 / 0





Ech sinn d’Klaud Houtmann a säit Januar 2022 offiziell diploméiert Yogaléierin vir Hatha a Vinyasa Yoga (200RYT)

Yoga huet mech schonn eng Rei Joren begleet ier ech meng 200 Stonnen Ausbildung zu Tréier bei WAY ugefaangen hunn. Den Diplom, dee vun der Europäischen Akademie für Yoga und ganzheitliche Gesundheit ausgestallt ginn ass, ass vun der AYA (Yoga Alliance) international unerkannt.

Hatha Yoga gellt als douce Yoga deen sech op statesch Postüre konzentréiert an ass ideal fir Leit déi wëlle mat Yoga ufänken. Obwuel en douce ass, kann en awer kierperlech a geeschteg erausfuerderend sinn. Vinyasa Yoga ass méi dynamesch, hei geet et em en fléissend Verbanne vun Otem a Beweegung.

A menge Stonne verbannen ech oft di zwee Stiler mateneen, awer ëmmer sou dat och een de réischt mam Yoga ufänkt nokënnt.

Ech versichen aktiv, fuerdernd Sequenze mat mi entspaannende Sequenzen ofzewiesselen. A menge Coursen geet et awer net nëmmen em di verschidden Asanas (Kierperübungen) a Pranayama (Otemübungen), mä och Meditatioun an d’Wäerter vum Yoga kennen Deel vun der Stonn sinn.

Mir selwer hëlleft Yoga souwuel vir nei Energie ze tanke wéi och vir a stressegen Zäiten besser entspanen ze kennen. Am Moment maachen ech zousätzlech eng „Restorative Yoga“ Ausbildung.

Klaud Houtmann
klaud.houtmann@education.lu
IBAN LU15 1111 3607 2478 0000 - PAYCONIQ : +352 661 534 808





Yoga Videoën op Youtube "Yogatime mam Christine"

Hei kanns du e puer Videoen testen : Gratis Schnuppervideoen a voller Längt

Méi wéi 40 Videoe online : Vinyasa, e besse Yin Yoga oder déi zwee gemescht fir mol eng aner Yoga-Experienz.
Fir Ufänger a Yogis mat Erfahrung. Op lëtzebuergesch.

Virdeel vun de Videoë : Du kanns praktizéieren wann et dir passt, du kanns d'Dauer, de Schwieregkeetsgrad an de Yogastil bestëmmen an du kanns mir schreiwen wanns du eng Fro hues. Ech frée mech dech bei denger Praxis duerfen z'ënnerstetzen.

Op Youtube geséis du och e puer Kuerzversiounen vun de Videoen fir dir eng Idee ze machen.
Déi vollstänneg Videoën mat Uweisungen si nemme beim Kaf vum Online Abo fräigeschalt.

Tarifer :

▪25€ fir 3 Méint, 45€ fir 6 Méint (7.50€/Mount) oder 65€/Joër (5.41€/Mount) fir e vollstännege Youtube Abo.

Christine Thill - IBAN RAIFFEISEN : LU14 0090 0000 2223 3605 - PAYCONIQ : 691 781 114







Tarifer fir 2022

▪ Abonnement: 150€/Trimester
- Mind. 10 Moies- & an 10 Owes-Couren vu 75 Minuten, Moies oder Owes

▪ Yogipass fir 20€ weider (170€) :
- mind. 10 Yogacouren + während dem ganzen Trimester fräigeschaltenen Zougang zu menge 40 Youtube Videoen, och an de Schoulvakanzen wa keng live Coure sinn

▪ En eenzel Cours vu 75 Minuten kascht 16€
Mell dech w.e.g. am Viraus un.

Du kanns boër, mat Payconiq oder mat Virement bezuelen.

Et ass méiglech de Sall ze reservéieren (42m2). Fir méi Informatiounen, mech w.e.g. kontaktéieren.